НЦАТ і POSITIVE TECHNOLOGIES падпісалі мемарандум аб супрацоўніцтве

"Нацыянальны цэнтр абмену трафікам" Рэспублікі Беларусь (НЦАТ) і Positive Technologies, лідэр у сферы дзейснай кібербяспекі, падпісалі мемарандум аб супрацоўніцтве ў галіне развіцця кібербяспекі ў Беларусі. У рамках супрацоўніцтва сумесныя намаганні будуць накіраваны на павелічэнне колькасці высокакваліфікаваных экспертаў па інфармацыйнай бяспецы і павышэнне дасведчанасці беларускіх кампаній аб абароне ад кіберпагроз. Мемарандум быў падпісаны на канферэнцыі "Пазітыўны SOC", якая ўпершыню прайшла ў Беларусі.

Бакі плануюць супрацоўнічаць па некалькіх напрамках. Першае – гэта рэалізацыя праектаў укаранення прадуктаў Positive Technologies. Другі напрамак датычыцца аказання паслуг па мадэлі MSSP беларускім арганізацыям. Трэцяе адносіцца да распрацоўкі і рэалізацыі навучальных праграм, правядзення канферэнцый, курсаў, семінараў і іншых адукацыйных мерапрыемстваў.

Для атрымання статусу аўтарызаванага навучальнага цэнтра Positive Technologies трэнеры арганізацыі прайшлі шматступенную падрыхтоўку і навучанне з камандай Positive Technologies. Акрамя гэтага, сумесна з тэхнічным персаналам адукацыйнага цэнтра і спецыялістамі вендара сертыфікаваныя трэнеры наладзілі працу лабараторных стэндаў у навучальнай інфраструктуры.

У канцы года першыя групы слухачоў, якія працуюць з прадуктамі Positive Technologies, пачнуць навучанне па праграмах, звязаных з MaxPatrol SIEM: па разгортванні і адміністраванні прадукта, а таксама па кіраванні падзеямі бяспекі на базе рашэнняў вендара. У наступным годзе чакаецца запуск іншых навучалых праграм, у тым ліку курса па кіраванні ўразлівасцямі на базе MaxPatrol VM.